హరి:
ఆడితప్పని వాడని యశముగాంచ
అఖిల రాజ్యమ్ము విడనాడి - ఆలి నమ్మి
కడకు నన్నమ్ముకొన వీధి బడితి నేడు
భానువంశ హరిశ్చంద్ర ప్రభుడ నేను -
నన్ను కొనరండి ! రండి కొనండి! రండి

నక్షత్ర :
కొండంత యేనుగు కుంభస్థలము మీద
తాడియంత మనిషి తాను నిలిచి
రత్నమొకటి నింగి రయ్యని విసిరిన
ఎంత దవ్వుపోవు, అంత ఎత్తు ధనము
కుప్పపోసి వీని కొనగవలయు .

వీర :
తొలగండె హె బాబు .. తొలగండెహె!
సిన్నోల్లో పెద్దోల్లో - తొలగండె హె !
మందు మీదున్నాను మత్తెక్కి వున్నాను మక్కిలిరగదన్నేను
ఏపాటి ఓళ్లైనా ఏనాటి ఓళ్లైనా
ఎప్పటికో అప్పటికి చేరేటి చోటికి
ఆ కాటికి - వల్ల కాటికి కాపరిని - యీరబాహువుని...