ఆశా దురాశా వినాశానికే
ఏల ప్రయాస వృధా యాతనే!

నిరంతరం ధనమ్మని జపింతురే జనం !
విరాఘమే ఎఱుంగక- గడింతురే ధనం !
సమాధియా దినాన- ఈసిరి ప్రయోజనం?
తృణమ్మయిన- నీ వెంట రాదోయి

ఆశా దురాశా వినాశానికే
ఏల ప్రయాస వృధా యాతనే!

చీకటిలో జనుల కనులు మూయగలవుగానీ
నేటికెటో దాగుకొని బయటపడిన గానీ
సర్వసాక్షి సన్నిధి నీ సమాధాన మేమి ?
గర్వపడకు నేరానికి- శిక్ష తప్పదోయి !

ఆశా దురాశా వినాశానికే
ఏల ప్రయాస వృధా యాతనే!

తల్లీ బిడ్డల వేరుచేసే కిరాతకుడా
నువ్వు సాధించే ఘన కార్య మేముందిరా
గుణంలేని తండ్రికీ నీడైనా
మననీయదురా సుతుని సుఖానా
మార్చుకో నీమతం మార్చుకోరా !
మమత మానవత్వం నేర్చుకోరా !
నీ బిడ్డకు నీ బాధ్యత నెరవేర్చుకోరా!
నీతిగా నీబ్రతుకు కడతేర్చు కోరా!

ఆశా దురాశా వినాశానికే
ఏల ప్రయాస వృధా యాతనే!

కాజేసి పరుల సొమ్ము కనలేవు హాయి
కలదోయి ధర్మమందె– నిజమైన హాయి !
చేయుమా ధర్మము- దానమే పెన్నిధానము
నీ దానమే పెన్నిధానము
వేధించి పరులను కనలేని ! సౌఖ్యము
సాధించు మానవ సేవలో
విలపించువారి కన్నీరు తుడిచిన
వెలిగేను శాంతి నీలో !
పశ్చాత్తాపం- కన్నీరే నీపాపానికి పరిహారము
ఇది నీ జీవిత పరమావధికి
సూటిగ బోయే మార్గము
సాగుమా మును సాగుమా
ఫలమ్మేమి నేడిలా తలబాదుకొని విలపించి
పిల్లల జీవన లత దిద్దే తోటమాలి తల్లే!
చిన్న నాడు చెడుత్రోవల పెంచిన జీవితమింతేలే
కన్నకడుపు చెనువై - ఇల్లాలికి దూరమై !
లోకానికి భారమై చెరలో నశించుటకేలే
వలదురా యీ ఘోర దండవ ఏతల్లికైనా !

ఆశా దురాశా వినాశానికే
ఏల ప్రయాస వృధా యాతనే!