అది ఒక చల్లని రాత్రి
విషబీజం చల్లిన రాత్రి
యిక ప్రతి రాత్రి నల్లని రాత్రి
కన్నీటి జల్లుల రాత్రి

చరణం: 1
మనసే సాక్ష్యం నిలిచిన రాత్రి
మమత లగ్నమై కలిపిన రాత్రి
తనువును పూజాపుష్పం చేసిన రాత్రి
నా తలరాతే మార్చిన రాత్రి

చరణం: 2
ఆవేశం పెనవేసిన రాత్రి
ఆనందం చవిచూసిన రాత్రి
వయసు మత్తులో హద్దులు మరచిన రాత్రి
వెన్నెల చాటున చీకటి పెరిగిన రాత్రి

చరణం: 3
అన్నెం పున్నెం ఎరుగనిదా రాత్రి
అంతా చేదై చెదిరినదీ రాత్రి
కన్నుల నిండా నువ్వున్నది ఆరాత్రి
కన్నీళ్ళే మిగిలించినదీ రాత్రి