అగ్నిని నేను - సుడిగాలిని నేను
అన్నదమ్ములం కలిశాము - ఉన్నదమ్ములే చూపిస్తాం
ఆడవిలో సీత కడుపున పుట్టిన కవలలం
మేము లవకుశలం
అయోధ్య రాముని సీతను కలిపే
ఆంజనేయులు వీరాంజనేయులం
అన్యాయానికి అధర్మానికి శతృవులం
అనురాగానికి అభిమానానికి సేతువులం
మంచికి బానిసలం వంచితులకు బంధువులం
అగ్నిహోత్రమే భగ భగ మండే ఫాలనేత్రులం
కఠిన చిత్తులకు మదోన్మత్తులకు కాళరాత్రులం
తల్లి ఋణం తీరుస్తాం - తండ్రి చెఱను విడిపిస్తాం
దెబ్బకు దెయ్యం దించేస్తాం - అబ్బకు బిడ్డల మనిపిస్తాం
ఇదే మా శపథం ఇదే మా శపథం