ఆకాశదేశానా.. ఆషాడమాసానా
మెరిసేటి ఓ మేఘమా..
మెరిసేటి ఓ మేఘమా
విరహమో.. దాహమో..
విడలేని మోహమో..
వినిపించు నా చెలికి
మేఘసందేశం.. మేఘసందేశం..

వానకారు కోయిలనై..
తెల్లవారి వెన్నెలనై
వానకారు కోయిలనై..
తెల్లవారి వెన్నెలనై
ఈ ఎడారి దారులలో
ఎడద నేను పరిచానని..
కడిమివోలె నిలిచానని
ఉరమని తరమని ఊసులతో
ఉలిపిరి చినుకుల బాసలతో..
విన్నవించు నా చెలికి విన్న వేదనా..
నా విరహ వేదనా
ఆకాశదేశానా.. ఆషాడమాసానా
మెరిసేటి ఓ మేఘమా..
మెరిసేటి ఓ మేఘమా

రాలుపూల తేనియకై
రాతిపూల తుమ్మెదనై
రాలుపూల తేనియకై
రాతిపూల తుమ్మెదనై
ఈ నిశీధి నీడలలో
నివురులాగ మిగిలానని..
శిధిల జీవినైనాని
తొలకరి మెరుపుల లేఖలతో
రుధిర భాస్పజల ధారలతో..
ఆ.. ఆ.. ఆ.. ఆ.. ఆ..
విన్నవించు నా చెలికి మనోవేదనా
నా మరణయాతనా
ఆకాశదేశానా.. ఆషాడమాసానా
మెరిసేటి ఓ మేఘమా..
మెరిసేటి ఓ మేఘమా
విరహమో.. దాహమో..
విడలేని మోహమో..
వినిపించు నా చెలికి
మేఘసందేశం.. మేఘసందేశం..