పల్లవి:
అమ్మపాడే జోలపాట
అమృతానికన్నా తియ్యనంట
అమ్మపాడే లాలిపాట
తేనెలూరి పారే ఏరులంట
నిండు జాబిలి చూపించి
గోటితో బుగ్గను గిల్లేసి
ఉగ్గును పట్టి ఊయలలూపే
అమ్మ లాలన
ఊపిరిపోసే నూరేళ్ల
నిండు దీవెన

చరణం: 1
కురిసే వాన చినుకులకి
నీలినింగి అమ్మ
మొలిచే పచ్చని పైరులకి
నేలతల్లి అమ్మ
వీచే చల్లని గాలులకి
పూలకోమ్మ అమ్మ
ప్రకృతిపాడే పాటలకి
యలకోయిల అమ్మ
సృష్టికి మూలం అమ్మతనం
సృష్టికి మూలం అమ్మతనం
సృష్టించలేనిది అమ్మ గుణం

చరణం: 2
నింగిని తాకే మేడలకి
పునాది రాయి అమ్మ
అందంపొందిన ప్రతి శిలకి
ఉలిగాయం అమ్మ
చీకటి చెరిపే వెన్నెలకి
జాబిల్లి అమ్మ
లోకం చూపే కన్నులకి
కంటిపాప అమ్మ
అమ్మంటే అనురాగ జీవని
అమ్మంటే అనురాగ జీవని
అమ్మ ప్రేమే సంజీవని