అమ్మలగన్న యమ్మ గాజులమ్మ ముగ్గురమ్మలయమ్మా
సంపదలిచ్చే లచ్చువమ్మ సదువులు చెప్పే సరసోతమ్మా
పసుపు కుంకుమల పార్వతమ్మా ముగ్గురమ్మల మూలపుటమ్మా
గాజులమ్మా ఇలలో యెలినేనే కొలిసినవారి మనసులోని కోరిక తీర్చెనే

అనగనగనగనగా, పల్లొకటుంది పల్లెలో, సక్కని పిల్లవుంది.
ఝణ ఝుణ ఝుణ ఝుణనా, బాజాలు మోగే పెళ్ళున పిల్లకు పెళ్ళి జరిగె
పుత్తడిబొమ్మా ముస్తాబయినాది తన పెనిమిటి యెంటా
ఆత్తోరిఁటికి పయనామయినాది....

కాకులు దూరని కారడివి అసలు సంజవేళ
పెళ్లోరి యెడ్లబళ్ళు సీమల బారుగా యెళ్ళిపోతున్నాయి.... అప్పుడూ.....
దొంగలు వచ్చీ పడ్డారు నిలువు దోపిడీ వేశారు
దొంగల సరదారొచ్చాడు బంగరు బొమ్మమ సూశాడు
సూసి గుమ్మైపోయాడు .. మీసంపై సేయి వేశాడు

ఏసీ..... ఓహో! పెళ్ళోరూ యీ సిన్నారి సిలుకను నాకిస్తే
నే దోసిని సొమ్ములు తిరిగిస్తానన్నాడు....
ఆహా! దొంగయినా దొరలా సవాల్ చేశాడు... ఏం? దోసిన
సొమ్ములతోబాటు
ఆ బంగారు బొమ్మనుకూడా ఎగరేసుకు
పోవచ్చే, కాదనే వాడెవడు, అడ్డేవాడెవడు?
అప్పుడా పెళ్ళోరేం చేశారో తెలుసా?
ఏం చేశారూ?
సొమ్ములకోసం ఆడబిడ్డను దొంగలపాలు చేస్తారా? ఎవరై నా?
సెయ్యరూ
డబ్బుకోసం తాళిగట్టిన పెళ్ళాన్నమ్ముకుంటారా, ఎవరైనా?
ఊహూఁ...!
అయితే పెళ్ళి పెద్దమ్మ “ఊఁ” అని తలాడించింది.
సూర్పణఖా....మాంఖాళీ ....
పెళ్ళి పెద్దలెవరూ కిక్కురుమనలేదు....
వాజమ్మలు.... దద్దమ్మలు....
పెళ్ళికొడుకు కుక్కిన పేనయ్యాడు
సచ్చిన పీనుగయ్యాడు... ధూ.....

కాళ్ళ పారాణి ఆరాలేదు కళ్ళకాటుకా కరగాలేదు
నుదుటి కుంకుమా సెదరాలేదు ముద్దు ముచ్చటా తీరాలేదు
గద్దనోటిలో గువ్వలా అగ్గిమంటలో పువ్వులా
దొంగనేతిలో సిక్కిందీ సిన్నారితల్లీ, గోడుగోడునా ఏడ్చిందీ.....

అన్నా! అన్నా! ఇది తగదన్నా దయ గనుమోయన్నా!
రామయ తండ్రి రాజ్యమేలినా బూమే నీదన్నా
పరకాంతలు నీ తోబుట్టువులను నీతి మరువకన్నా
సెల్లెలు మీదా సేయి వేసితే కళ్ళు పోవునన్నా......
అని కంటికీ మంటికి ఏకధారగా ఏడుస్తూ కాళ్ళా యేళ్ళాబడి బతిమాలిందా పెళ్ళికూతురు
నెమలి కంటికి నీరుగారితే వేటగానికి లోటు ఏమిరా?
ఎలకపిల్లకు ప్రాణసంకటం పిల్లికీ సెలగాటమాయెరా
కళ్ళకావరం గొప్పెరా వళ్ళు తెలియక పోయెరా
సెంతకు సేరి సిన్నారి మీద చేయి వేసెరా
అంతే ఆ యిల్లాలులోని అభిమానం కోడెతానై లేసింది

పడగ యిప్పింది బుసలు కొట్టింది
గాజులు గలగల లాడెరా కళ్ళు కణకణ మండెరా
దుష్టుని పాపం పండెరా మంటలు మింటిని యంటెరా
ఆంటెరా.... అంటెరా
భగ భగ భగ భగ మండిన మంట
స్త్రి శీలానికి బుజువగుజ్యోతి
స్త్రీ లోకానికి మంగళహారతి
ధగ ధగ ధగ ధగ వెలిగిన జ్యోతి
ఆరంజ్యోతి అంతట నిండెనే సుఖదుఃవాలలో మనకందరికీ అండగా నిలిచెనే.....