పల్లవి:
అమ్మాలాంటి చల్లనిది లోకం ఒకటి ఉందిలే
ఆకలి ఆ లోకంలో.. లేనే లేదులే.. లేనే లేదులే
అమ్మలాంటి చల్లనిది లోకం ఒకటి ఉందిలే

చరణం: 1
మమతలే.. తేనెలుగా
ప్రేమలే.. వెన్నెలగా
చెలిమి .. కలిమి .. కరుణా..
కలబోసిన లోకమది.. కలబోసిన లోకమది

అమ్మాలాంటి చల్లనిది లోకం ఒకటి ఉందిలే

చరణం: 2
పిడికెడు మెతుకులకై.. దౌర్జన్యం దోపిడీలు
కలతలూ.. కన్నీళ్ళూ..
కనరాని లోకమది.. కనరాని లోకమది

అమ్మాలాంటి చల్లనిది లోకం ఒకటి ఉందిలే

చరణం: 3
ఆకలితో నిదురపో.. నిదురలో కలలు కను
కలలో ఆ లోకాన్ని... కడుపునిండ నింపుకో
కలలో ఆ లోకాన్ని...
కడుపునిండ నింపుకో.. కడుపునిండ నింపుకో

అమ్మాలాంటి చల్లనిది లోకం ఒకటి ఉందిలే
ఆకలి ఆ లోకంలో లేనే లేదులే... లేనే లేదులే
అమ్మాలాంటి చల్లనిది లోకం ఒకటి ఉందిలే