ఓ... ఓ... ఓ... ఓ...ఓ
ఓ... ఓ... ఓ... ఓ...ఓ

అందాల ప్రాయం కందింది పాపం పూబంతి తాకిడికే
కనరాని గాయం కలిగించే తాపం నీ కొంటె చూపులకే
జతచేరి జవరాలి మదిలోగిలి
పలికింది సరసాల తొలి జావళి

అందాల ప్రాయం కందింది పాపం పూబంతి తాకిడికే

పరువైనా పరువాన పసికూన రాగాలు నను పిలిచెనా
అనువైన సాయలు అందించనా
మృదువైన ఇరుముల్లో ఒనికేటి వైనాలు కనిపించెనా
మౌనాల గానాలు వినిపించినా
చిక్కని చెక్కిలి నొక్కిలిలోన ఉక్కిరి బిక్కిరిగా
కొత్తగ అద్దిన ముద్దులు నిన్ను ముంచెత్తగా

హోయ్ అందాల ప్రాయం కందింది పాపం
నీ కొంటె చూపులకే

తొలిసారి తెలిసింది సొగసింటి తగువెంత సుఖమైనదో
పొగరాని సెగలెన్నో రగిలించెనో
చెలి వీణ పలికింది ముదిరేటి మునిపంట మురిపాలతో
పదునైన కొనగోటి సరిగమలతో
వెచ్చని ఊపిరి తాకెను నన్ను అల్లరి పల్లవిగా
పచ్చని ఆశలు పాకలు ఎన్నో చిగురించగా

అందాల ప్రాయం కందింది పాపం పూబంతి తాకిడికే
కనరాని గాయం కలిగించే తాపం నీ కొంటె చూపులకే
హే జతచేరి జవరాలి మదిలోగిలి
పలికింది సరసాల తొలి జావళి