పల్లవి:
అందమైన పిల్లగాడూ
అందకుండా పోతున్నాడూ
నెత్తిమీద గోరువంక
నిలిచిందే చూడడూ - అయ్యో రామా
పిలిచిందే చూడడూ

చరణం: 1
బూరెల బుగ్గల బుడగడే
ఏమన్నా యిటు తిరగడే
కొట్టిన రాయిలాగా
బిర్రబిగుసుకొని వున్నాడే - అయ్యో రామా
బుర్ర గోక్కుంటున్నాడే....

చరణం: 2
ప్రేమ జబ్బులో పడ్డాడమ్మా
బిత్తరి చూపులు చూస్తాడమ్మా
ఏ యమ్మగన్న పిల్లోడోగాని
ఎంత జెప్పినా వినడమ్మా అయ్యో రామా
ఏమైపోతాడో యమ్మా -

చరణం: 3
కలిగిన పిల్లను కాదంటాడే
పేదపిల్లపై మోజంటాడే
డబ్బున్న వాళ్ళకు ప్రేమ వుండదా
లేనివాళ్ళకే వుంటుందా
అయ్యో రామా
పిచ్చి యింతగా ముదిరిందా...