అష్ట విద నాయకా లక్షణములు

1. వాసక సజ్జిక

పల్లవి:
ఎంత ముచ్చటైనా వాడే
నా ప్రియుడు ఈ క్షణమే రానున్నాడే

చరణం:
ఇదుగో పైట చెంగు తొందరపడెనే
అదుగదుగో పూలపాన్సు గుసగుసలిడెనే
అతని మెత్తని అడుగులసడి
లేతగాలిలో వినబడి
అరెరే నా ఒడలంతా అలజడి_అలజడి_అలజడి

క్షేత్రయ్య:
పడకిల్లు సరిచేసి పతికొరకు వేచేటి పడతి
వాసక సజిక వాసకసజ్జిక

2. విరహోత్కంఠిత

పాడినవారు: పి. సుశీల, బాలసుబ్రహ్మణ్యం

ఎంత టక్కరి వాడు నా వాడే
ఎంతకు చెంతకు రానేరాదే

వెన్నెల సెగలాయె, విరులే పొగలాయె
అలదిన గంధము అవిరియె పోయె
అదను దొరికెనని మదను డందుకొని
పదును టమ్ములను ఎదను గ్రుమ్మెనే ॥ఎంత ॥

క్షేత్రయ్య : స్మరశిలీ ముఖశిఖా జర్జరిత గాత్ర
ఆ తరుణి విరహోత్కంఠిత :
విరహోత్కంఠిత

3. విప్రలబ్ద

పాడనది: బాలసుబ్రహ్మణ్యం

క్షేత్రయ్య :
గున్నమావి గుబురింట కలుసుకొమ్మన్న
చెలుడు తనజంట లేడనీ
కొసరి కొసరి కని కసిరి విసిగికొనీ
కుసుమ మాలికలు విసిరి వేసి చని
శోక దిగ్ధయై – కోప దగ్ధయై
విలవిలలాడే విముగ
విభువంచిత విప్రలబ్ద

4. ప్రోషిత భర్తృక
పాడినది : పి. సుశీల, బాలసుబ్రహ్మణ్యం

ఎంత చల్లనివాడె నారేడు
అతడింతలేని గడియలే యుగములేడు ॥ఎంత॥

ఓ.... మెరుపులారా మిడిసి పడేరా
ఓ....మబ్బులారా ఉరిమి పడేరా
నా రాజు సందిట నేనున్న మీదట
మీరు చెదిరిపోతారే - నీరునీరౌతారే

క్షేత్రయ్య: ప్రవాసమున ప్రియుడుండగ
స్వవాసమున రేదివళ్ళు
పొగిలిపోవు నాయిక
ప్రోషిత భర్తృక

5. అభిసారిక
పాడినది: బాలసుబ్రహ్మణ్యం

క్షేత్రయ్య :
అడుగులోన తన అడుగిడి తడబడి
అలతి అలికిడికి ఉలికి ఉలికిపడి
దెసలు తిలకించి ముసుగు సవరించి

మునురు ముంగురుల కొసలు తొలగించి
విరి వెన్నెలలో సిరి వెన్నెలపై
పెనుచీకటిలో నునుచీకటియె
ఆత్మ విధునికై అన్వేషించే
ఆ నాయిక అభిసారిక :
అభిసారిక : !