ఎవ్వరో... ఎవ్వరో...
నను తియ్యని గొంతుతొ పిలిచిందెవ్వరో
ఎవ్వరో... ఎవ్వరో...
తన మాటల తేనెలు పంచిందెవ్వరో
మనసుకిది కానుకరో ఇచ్చినది ఎవ్వరో
తనది ఏ పోలికరో పోల్చునది ఎవ్వరో
చిలిపి సిరి మువ్వరో కలిపి తను ఎవ్వరో
ఏమో ఏమో...
నా గుండెతొ గుసగుసలాడిందెవ్వరో
హే... ఆ ముసి ముసి నవ్వుల రూపం ఎవ్వరో

ఎవ్వరో... ఎవ్వరో...
ఈ దాగుడు మూతలు ఆడేదెవ్వరో

హే హే... ఇంతలా ఏమార్చినా ఊరూ పేరూ జారవే
నిన్నిలా నే మరచినా నువు మాత్రం నను వీడవే
అందగాణ్ణి అంటావే మరి అందకుండ ఉంటావే
హే ఆ ప్రాణ వాయువల్లే నువుకూడ కానరావే
ఇంతిలా నన్ను ఊరిస్తావే నువ్వెంత అందానివే
ఆ అందం కళ్ళకు కట్టేదెవ్వరో
తన చిరునామా చూపెట్టేదెవ్వరో

ఏ ఏ... నీ స్వరం వినాలనే కోరిక కలిగిస్తావులే
తక్షణం నీవెవ్వరో తెలియదు అనిపిస్తావులే
నన్ను నువ్వు చూస్తావే మరి నిన్ను నువ్వు దాస్తావే
హే... అరె నిన్ను చూడాలని మైమరచి పోవాలని
నా ఒళ్ళే కళ్ళై వలేస్తున్నా ఆచూకి చిక్కవులే
ఆ చిక్కని నవ్వుల చక్కనిదెవ్వరో
ఆ చక్కెర పలుకుల టక్కరి ఎవ్వరో

ఎవ్వరో... ఎవ్వరో....
అరె ఇందరిలో ఆ సుందరి ఎవ్వరో