బుల్లి బుల్లి రాణెమ్మ
బుజ్జి నా చెల్లమ్మ
బంగరుబొమ్మా - రావే మాయమ్మ

చరణం: 1
నీ చిరునవ్వుల్లో వెన్నెలలూరేను
తీయని మాటల్లో తేనెలు జారేను
నీవున్న మాయిల్లు కలకలలాడేను
మా లక్ష్మి ఏ ప్రొద్దు కిలకిలలాడేను రాణెమ్మా

చరణం: 2
పుట్టిన యింటికీ - కీర్తిని దెచ్చేవు
మెట్టిన చోటున మెప్పు గడించేవు
ముద్దుల మూటపై పువ్వులబాట వై
చక్కగ మగని మనసు మురిపించేవు రాణెమ్మా.... ||
బలెబలె అన్నయ్యా
బంగారు అన్నయ్యా
ఓ వదినమ్మా అమ్మా మాయమ్మా

చరణం: 3
తల్లిగ లాలించి తండ్రిగ పాలించి
కొరతే లేకుండా - దిగులే రాకుండా
కన్నులలో నుంచి నను పెంచారులే
నిజముగ మీ ఋణము తీర్చలేనులే అన్నయ్య