చరణ కింకిణులు ఘల్లుఘల్లుమన
కర కంకణములు గలగలలాడగ
అడుగులందు కలహంసలాడగా
నడుములో తరంగమ్ములూగగా
వినీల గజభర విలాస బంధుర
తనూలతిక చంచలించిపోగ

ఆడవే మయూరీ నటనమాడవే మయూరీ
నీ కులుకును గని నా పలుకు విరియ
నీ నటనను గని నవ కవిత వెలయగ
ఆడవే మయూరీ నటనమాడవే మయూరీ
ఆడవే మయూరీ

అది యమునా సుందర తీరము
అది రమణీయ బృందావనము
అది విరిసిన పున్నమి వెన్నెల
అది వీచిన తెమ్మెర ఊయల
అది చల్లని సైకత వేదిక
అట సాగెను విరహిణి రాధిక

అది రాధ మనసులో మాధవుడూదిన
రసమయ మురళీ గీతిక

ఆడవే మయూరీ నటనమాడవే మయూరీ
నా పలుకులకెనయగు కులుకు చూపి
నా కవితకు సరియగు నటన చూపి
ఇక ఆడవే మయూరీ నటనమాడవే మయూరీ

పాలనేత్ర సంప్రభవత్ జ్వాలలు ప్రసవశరుని దహియించగా
పతిని కోలు పడి రతీదేవి దుఖిఃతమతియై రోదించగా
హిమగిరీంద్ర శిఖరాగ్ర తాండవత్ ప్రమధ గణము కనిపించగా
ప్రమదనాద కర పంకజ భ్రాంకృత ఢమరుధ్వని వినిపించగా
ప్రళయ కాల సంకలిత భయంకర జలదరార్భటుల జలిత దిక్ తటుల
జహిత దిక్కరుల వికృత ఘీంకృతుల సహస్రఫణ సంచలిత భూత్క్రుతుల

కనులలోన
కనుబొమలలోన
అధరమ్ములోన
వధనమ్ములోన
కనులలోన కనుబొమల లోన
అధరమ్ము లోన వధనమ్ము లోన

కళ సీమలోన కటి సీమలోన
కరయుగములోన పదయుగము లోన
ఈ తనువులోని అణువణువు లోన
అనంత విధముల అభినయించి
ఇక ఆడవే ఆడవే ఆడవే...