చెంగు చెంగు నా గంతులు వేయండీ
ఓ జాతివన్నె బుజ్జాయిల్లాగా
నోరులేని తువ్వాయిల్లారా

రంగు రంగుల ఓపరాలతో రంకెలు వేసేరోజపుడో
చెక చెక మంటూ అంగలు నేసీ చేలనుదున్నే అదనెపుడో
కూలిపోయినా సంసారానికి గోగాకింతా పెట్టేదెప్పుడో
ఆశలన్ని మీ మీద పెట్టుకొని
తిరిగే మా వెత లణగేదెపుడో

పంచభక్ష్య పరమాన్నం తెమ్మని
బంతిని సూర్చుని అలగరుగా
పట్టు పరుపులను వేయించండని పట్టుబట్టి వేధించరుగా
గుప్పెడు గడ్డితో గ్రుక్కెడు నీళ్ళతో
తృప్తి చెంది తలలూగిస్తారు
జాలిలేని నర పశువులకన్నా
మీరే మేలనిపిస్తారూ

తెలుగు తల్లికి ముద్దు బిడ్డలు
సంపద బెంచే జాతిరత్నములు
మా ఇలవేల్పులు మీరు లేనిదే
మానవజాతికి బ్రతుకే లేదు