చెప్పాలనుకున్నాను
చెప్పలేక పోతున్నాను
కల్లాకపటం తెలియని నన్ను
కన్నులతో కవ్వించవద్దని ॥చెప్పా॥

చెప్పకుండ నా మదిలో దూరి
చిందర వందర చెయ్యొద్దని
రెండివ్వాలనుకున్నాను
ఇవ్వలేక పోతున్నాను

ఆడుకొనే లతల నడుమ
పాడుకొనే పూవులమై
పరిసరాల నన్నిటిని
పరిమళింప చేద్దామని

మేలి మునుగలోని లజ్జ
మెట్లు దిగీ వచ్చిందిని
తెలిసికూడ తెలియనట్టె
ఒదిగుండె ఒళ్ళుమండి
రెండివ్వాలనుకున్నాను
ఇవ్వలేక పోతున్నాను

అడగకుండ అందించే
ఆలింగన మధురము
వద్దంటూ అందుకొనే
వలపు మరీ మధురము

అని చెప్పాలనుకున్నాను
అన్నీ చెప్పేశాను
ఇవ్వాలనుకున్నాను
అన్నీ ఇచ్చేశాను