అందమైన నా ఊహల మేడకు ఆవిడ మణిదీపం
అందీ అందని నా ఆశలకు ఆమే ప్రతి రూపం
ఆ తలపే నా ధ్యానం ఆ అభినవ దేవత నా ప్రాణం

మల్లెపూల కన్నా మంచు పూల కన్నా
నా చెలి ముసి ముసి నవ్వులు అందం...
ఆ... నెమలి హొయలకన్నా...
సెలయేటి లయల కన్నా...
నా చెలి జిలిబిలి నడకలు అందం
అపురూపం ఆ నవ లావణ్యం...
అపురూపం ఆ నవ లావణ్యం
అది నా మదిలో చెదరని స్వప్నం...

పైడి బొమ్మ లాంటి ఆమె పక్కనుంటె
పగలే వెన్నెల నే కురిపిస్తా...
ఆ... నీడ లాగ నాతో...
ఏడడుగులు సాగితే...
ఇలలో స్వర్గం నే సృష్టిస్తా...
రస రమ్యం ఆ రాగ విలాసం...ఆ..ఆ..
రస రమ్యం ఆ రాగ విలాసం
వసి వాడదు అది ఆజన్మాంతం....