చిలకా ఓ చిలకా చిగురాకులలో చిలుకా
చెబుతా ఓ కథని మా ఇంటికి వస్తావా
నీలాగే మాకు ఉంది ఓ పువ్వుల పొదరిల్లు
మా అన్నా వదినే మాకు చక్కని నేస్తాలు

ఆకలి అంటూ అడిగిన రోజే గుర్తే లేదమ్మా
అడగక ముందే తినిపించే అమ్మేలే వదినమ్మా
అల్లరిచేస్తే తిట్టనివాడిని ఏమంటారమ్మా
నాన్నై చూసే అన్నని దేవుడు మకిచ్చాడమ్మ
చదివింది మేమైనా అలసట మా అన్నదిలే
నలతంటు పడుకుంటే వదినకి నిద్దర రాదు
ఈ ఇల్లే మా ఇద్దరి ప్రాణం
ఇంకెందుకు వేరే స్వర్గం

నీలాగే మాకూ ఉందో పువ్వుల పొదరిల్లు
మా అన్నా వదినే మాకు చక్కని నేస్తాలు

సంతోషానికి ఇంకో పేరై పూసిన రోజాలు
శ్రీరాముడి కల పండే వరమై పుట్టిన లవకుశులు
ఒక నిమిషం ఈ సీతని వదలని వానర సైన్యాలు
తమకోసం అసలేది కోరని కోవెల దీపాలు
ప్రతి రోజు పండగలా ఇల్లంతా సందడులే
అమ్మా అని పిలిచారా ఒళ్లంతా పులకింతే
మీరే గా మీరే గా ఈ తీయని స్వప్నం
ఏ జన్మదో ఈ తీయని అనుభందం

నీలాగే మాకూ ఉందో పువ్వుల పొదరిల్లు
మా అన్నా వదినే మాకు చక్కని నేస్తాలు

చిలకా ఓ చిలకా చిగురాకులలో చిలుకా
నువ్వూ మా జతగా ఉంటావా మా ఇంట
మా అన్నా వదిన ఉండే పువ్వుల పువ్వుల పొదరింట
కలతే రాదమ్మా నవ్వులే పండే ఈ చోట