చిన్ని చిన్ని నేనేలే నీకన్నీ
నిను మరిపిస్తానే మాయేదో పన్ని
కన్ని కన్ని నీ వేశాలింకెన్ని
అవి మురిపిస్తాయే నాలో లోకాన్ని

ఓయ్ ఓయ్… ఓయ్ ఓయ్
రా రమ్మంది రంగుల హాయే
పరుగే నీకు ఇష్టమనంటే నేనేమంటానే
పడిపోకుండా పట్టుకునే ఈ చెయ్యై
నీ ముందుంటానే…

నా బంగారు కూన
నా చిన్నారి కూన
మరి నాకైనా ఎవరే నీకన్నా
నీ ప్రాణాలకు ప్రాణాన్నై ఉన్నా…

తెల్లారే దాగుడుమూత
సాయంత్రం కళ్ళకు గంత
నువ్వాడిస్తా ఉన్నా
నేనాపేమన్నానా?

ఏ రోజు ఏ అలకైనా
తీరుస్తా చిటికెల్లోనా
ఓయే ఓయే… ఓయే ఓయే
వేచున్నాదే వెన్నెల లోయే

నువు తే అంటే
నీ ముందు తారాతీరాలే
అమావాసైనా నీతో ఉంటే
దీపావళిగా మారాలే…

నా బంగారు కూన
నా చిన్నారి కూన
మరి నాకైనా ఎవరే నీకన్నా
నీ ప్రాణాలకు ప్రాణాన్నై ఉన్నా…

లలలల లల లాలా
లలలల లల లాలా
ఓ ఓ ఓ ఓ ఓ ఓ ఓ
ఓ ఓ ఓ ఓ ఓ, మ్ మ్ మ్….