పల్లవి:
దేవతలారా రండి మీ దీవెనలందించండి
నోచిన నోములు పండించే నా తోడును పంపించండి
కలలో ఇలలో ఏ కన్యకి
ఇలాంటి పతి రాడనిపించే వరున్నే వరముగ ఇవ్వండి
కనీవినీ ఎరుగని వేడుకతో వివాహం జరిపించాలండి

కలలో ఇలలో ఏ కన్యకి
ఇలాంటి పతి రాడనిపించే వరున్నే వరముగ ఇవ్వండి
కనీవినీ ఎరుగని వేడుకతో వివాహం జరిపించాలండి

చరణం: 1
శివ పర్వతులేమో ఈ దంపతులనిపించాలి
ప్రతి సంసారంలోను మా కథలే వినిపించాలి
ఆ సిరిని శ్రీహరిని మా జతలో చూపించాలి
శ్రీకాంతుల కొలువంటే మా కాపురమనిపించాలి
మా ముంగిలిలోన పున్నమి పూల వెన్నెల విరియాలి
మా చక్కని జంట చుక్కలతోట పరిపాలించాలి

కలలో ఇలలో ఏ కన్యకి
ఇలాంటి పతి రాడనిపించే వరున్నే వరముగ ఇవ్వండి
కనీవినీ ఎరుగని వేడుకతో వివాహం జరిపించాలండి

చరణం: 2
తన ఎదపై రతణంలా నిను నిలిపే మొగుడొస్తాడు
నీ వగలే నగలంటూ గారాలే కురిపిస్తాడు
తన ఇంటికి కళ తెచ్చే మహాలక్ష్మిగ పూజిస్తాడు
తన కంటికి వెలుగిచ్చే మణి దీపం నీవంటాడు
ఈ పుత్తడి బొమ్మ మెత్తని పాదం మోపిన ప్రతిచోట
నిధి నిక్షేపాలు నిద్దురలేచి ఎదురొచ్చేనంటా

కలలో ఇలలో ఏ కన్యకి
ఇలాంటి పతి రాడనిపించే వరున్నే వరముగ ఇవ్వండి
కనీవినీ ఎరుగని వేడుకతో వివాహం జరిపించాలండి

దేవతలారా రండి మీ దీవెనలందించండి
నోచిన నోములు పండించే నా తోడును పంపించండి
కలలో ఇలలో ఏ కన్యకి
ఇలాంటి పతి రాడనిపించే వరున్నే వరముగ ఇవ్వండి
కనీవినీ ఎరుగని వేడుకతో వివాహం జరిపించాలండి