దేవీ క్షేమమా.. దేవరవారూ క్షేమమా
దేవీ క్షేమమా.. దేవరవారూ క్షేమమా
తమ కడగంటి చూపే కరువైనాదీ..
తమ కరుణా కటాక్షమే అరుదైనాదీ..
దేవీ క్షేమమా..

నులి సిగ్గుల లేబుగ్గలు ఎలాగున్నవీ?
నులి వెచ్చని తొలి ముద్దులు పంపమన్నవీ
అల్లరల్లరీ కళ్ళు చల్లగా వున్నవా?
అల్లరల్లరీ కళ్ళు చల్లగా వున్నవా?
తెల్లవార్లు నిదుర రాక ఎర్రబారుతున్నవీ..
దేవీ క్షేమమా..

జడలోన మల్లెపూలు ఇమడకున్నవి
జత లేక పట్టుపరుపు కుదరకున్నది
తలగడతో చెప్పుకునే కబురులే మిగిలినవి
తలగడతో చెప్పుకునే కబురులే మిగిలినవి
అవి కూడ నలిగిపోయి జాలివేస్తున్నది..
దేవీ క్షేమమా..

నీ బడిలో చదవాలి క్రొత్త క్రొత్త చదువులూ
నేనపుడు అడగాలి చిలిపి చిలిపి ప్రశ్నలూ
నీ పెదవులపై వ్రాయాలి నీవుమెచ్చు జవాబులూ
పెదవులపై వ్రాయాలి నీవుమెచ్చు జవాబులూ
నీ మగసిరి గెలవాలి అసలైన పరీక్షలూ
దేవీ క్షేమమా . . దేవరవారూ క్షేమమా . .
దేవీ క్షేమమా . .