రాక రాక వచ్చావు చందమామ
లేక లేక నవ్వింది కలువ భామ

మబ్బులన్ని పోయినవి మధుమాసం వచ్చినది
మరులు కొన్న విరికన్నె విరియ బూసి మురిసింది

లేక లేక నవ్వింది కలువభామ

రేకులన్ని కన్నులుగా లోకమెల్ల వెతకినది
ఆకసాన నిను జూచి ఆనందం పొంగినది
ఆకసాన నిను జూచి ఆనందం పొంగినది

లేక లేక నవ్వింది కలువభామ

తీరని కోరికలే తీయని తేనియలై
తీరని కోరికలే తియ తీయని తేనియలై
వెన్నెల కన్నులలో వెల్లివిరిసి మెరిసినవి…
దొంగలాగ దూరాన తొంగి చూతువేల
రావోయి రాగమంత నీదోయి ఈ రేయి

రాక రాక వచ్చావు చందమామ
లేక లేక నవ్వింది కలువ భామ