ఈ గంట గణగణ మోగాలి
ఆ కోట గజగజ లాడాలి
సింహబలుడు గరించాలి
ప్రళయ తాండవం చెయ్యాలి

రాతిబొమ్మ రాజరికం ఈ జాతిని బలిచేస్తుంటే
రాతిగుండె పెద్దరికం నీతిని వెలివేస్తుంటే
దైవం బ్రతికే వుంటే
ధర్మం మిగిలే వుంటే

నెత్తురు చిందిన ఉన్మత్తుల పెనుకత్తులు విరగాలి
ధర్మదేవతను చెరబట్టిన దుర్మార్గం అంతంకావాలి
మా అడుగులే అగ్గి పిడుగులై
అన్యాయం భగ్గున మండాలి
అధర్మం భస్మం కావాలి.
స్వామి ద్రోహుల జన విద్రోహుల
రక్త దాహమిక సాగదు
దనుజ విభంజన ప్రళయ ప్రభంజన
ధర్మ చక్రమిక ఆగదు
నరక పాలనను నరక యాతనకు
ఇది నా అంతిమ గీతం
ఇది నాదు ఆర్తనాదం ఇది నా అగ్నిగీతం
ఇదే సుప్రభాతం