ఈ పగలు రేయిగ పండు వెన్నెలగ
మారిన దేమి చెలీ... కారణమేమీ చెలీ - ఆఁ...
వింతగాదు నా చెంతనున్నది
వెండి వెన్నెల జాబిలి
పండు పున్నమి జాబిలి - ఓ...
మనసున తొణికే చిరునవ్వెందుకు పెదవుల మీదికి రానీపు
పెదవి కదిపితే మదిలో మెదిలే
మాట తెలియునని మానేవు

వెండి వెన్నెల జాబిలి
పండు పున్నమి జాబిలి

కన్నులు తెలిపే కథల నెందుకు
రెప్పలార్చియేమార్చేవు
చెంపలుపూచె కెంపులు నాతో
నిజము తెలుపునని జడిసేవూ

వెండి వెన్నెల జాబిలి
పండు పున్నమి జాబిలి

అలుక చూపి అటు వైపు తిరిగితే అగుపడ దనుకొని నవ్వేవూ
నల్లని జడలో మల్లె పూవు నీ నవ్వున కద్దము చూపేనూ!