ఈ తీయని వేళ నా ఊహల లోన




చిత్రం : తొలిరేయి గడిచింది (1977)
సంగీతం : చెళ్ళపిళ్ళ సత్యం
సాహిత్యం : సినారె
గానం : పి.సుశీల, ఎస్.పి.బాలు


ఈ తీయని వేళ నా ఊహల లోన
మల్లెలు విరిసే తేనెలు కురిసే
జల జల జల జల


ఈ తీయని వేళ నా ఊహల లోన


నీల మేఘమాలికలోన
నీ కురులూగెనులే
పైరగాలి ఊయలలోన
నీ మది పాడెనులే


నా మదిలోని రాగిణులన్నీ
నీకై మ్రోగెనులే


ఈ తీయని వేళ నా ఊహల లోన


లేలేత కోరికలన్నీ
పూచెను పరువాలై
దాచలేని భావనలన్నీ
లేచెను కెరటాలై


కన్నులలోన కలకల లాడే
కలలే కిరణాలై


ఈ తీయని వేళ నా ఊహల లోన


పాటల ధనుస్సు