ఈరోజులో పడుచువారు గడుసువారు
వీలైతే హుషారు కాకుంటే కంగారు

ఈ రోజుల్లో

తాజా తాజా మోజులకోసం తహతహలాడుతువుంటారు
పొట్టి షర్టతో టైటు పాంట్లతో లొట్టిపిట్టలవుతుంటారు
మెప్పులకోసం అప్పులు చేసి తిప్పలపాలవుతుంటారు

ఈ రోజుల్లో

రోడ్డు సైడున రోమియోలలా రోజంతా బీచేస్తారు
సొగసరి చిన్నది కంటపడిందా చూపులతో మింగేస్తారు
ఆ చిన్నదికాస్తా చేయివిసిరితే చెప్పకుండా చెక్కేస్తారు

పాఠాలకు ఎగనామంబెట్టి మ్యాటినీ షో లకు తయ్యారు
పార్టీ లంటూ పిక్నిక్ లంటూ పుణ్యకాలమూ గడిపేరు
పరీక్ష రోజులు ముంచుకురాగా తిరుపతి ముడుపులు కడతారు

ఈ రోజుల్లో ....

పడుచువారు గడుసు వారు
సహనంలో కిసానులు సమరంలో జవానులు
ఆడపిల్లలను గౌరవించితే ఆత్మ గౌరవం పెరిగేను
సమరస భావం కలిగిననాడే చదువుల విలువలు పెరిగేను
దేశానికి వెన్నెముకలు మీరు దివాళకోరులు కావద్దు
భవితవ్యానికి బాటలు వేసే భారం మనదని
మరవొద్దు
ఆ భారం మనదని మరవొద్దు