పల్లవి:
ఓ ప్రియతమా....
నీవు లేని రాతిరి నిలిచిపోయే ఊపిరి
నీవు లేని రాతిరి నిలిచిపోయే ఊపిరి
కన్నీట తడిచే కౌగిలి...

నా ప్రాణమా....
నీవు రాని రాతిరి నిలిచిపోయే జాబిలి
నీవు రాని రాతిరి నిలిచిపోయే జాబిలి
సుడిగాలి గుడిలో హారతి...

నీవు లేని రాతిరి నిలిచిపోయే ఊపిరి

చరణం: 1
తెల్లవారి వెన్నెలల్లే తెళ్ళబోవు కన్నులతో
ఈ ఎడారిదారిలో ఎదురుచూపు నౌతున్నా
కోటలోని రాతిగా మీటలేని వీణలలో
రాలిపోవు రాగమేదో నేను పాడుకుంటున్నా
నీవు నన్ను చేరిన నాడే బ్రతుకుతుంది అనురాగం
నీవు నన్ను చేరిన నాడే బ్రతుకుతుంది అనురాగం
ఈ విషాద వీధుల్లో....
అతిధి లాగ ఒక్కసారి వచ్చివెల్లి పోరాదా

నీవు రాని రాతిరి నిలిచిపోయే జాబిలి
నీవు లేని రాతిరి నిలిచిపోయే ఊపిరి

చరణం: 2
పంజరాన రామచిలుక రెక్కలంటి ఊహలతో
నిన్ను చేరలేకనేను నివురులాగ అవుతున్నా
వేణువైన ఊదలేను వానకారు కోయిలల్లే
వేధనతో వేగలేక వెదురులాగ అవుతున్నా
నీవు వచ్చి కలిసిన నాడే తారలకి సంగమం
నీవు వచ్చి కలిసిన నాడే తారలకి సంగమం

ఈ నిశీధి వీధుల్లో....
మమతలాగ ఒక్కసారి కుశలమడిగి పోరాద

నీవు లేని రాతిరి నిలిచిపోయే ఊపిరి
నీవు రాని రాతిరి నిలిచిపోయే జాబిలి
కన్నీట తడిసే కౌగిలి....
నీవు రాని రాతిరి
ఉలికిపోయే ఊపిరి