ఏమమ్మా జగడాల వదినమ్మో
ఎగిరెగిరి పడతావు ఏందమ్మో
చిన్నారి పాపలూ అందాల బొమ్మలూ
వాళ్ళంటే కోపమేల హెయ్ హెయ్ హెయ్య

ఏమమ్మా జగడాల వదినమ్మో
ఎగిరెగిరి పడతావు ఏందమ్మో

చిన్నవాళ్ళు కాకుండానే పెద్ద వాళ్ళు అవుతారా
అల్లరేమి చెయ్యకుండా నోరు మూసుకుంటారా
చిన్నవాళ్ళు కాకుండానే పెద్ద వాళ్ళు అవుతారా
అల్లరేమి చెయ్యకుండా నోరు మూసుకుంటారా
ఎవరినేమి అన్నారూ ఎవరిసొమ్ము తిన్నారూ
చెయ్యి చేసుకుంటావా ఆపవమ్మా నీ బుసబుసలూ
ఆ.ఆ.ఆ.

ఏమమ్మా జగడాల వదినమ్మో
ఎగిరెగిరి పడతావు ఏందమ్మో

చదువుంటే చాలదూ సంస్కారం వుండాలి
మనుషుల్లో తిరిగేటప్పుడూ మంచి మనసు కావాలి
చదువుంటే చాలదూ సంస్కారం వుండాలీ
మనుషుల్లో తిరిగేటప్పుడూ మంచి మనసుకావాలి
గర్వాన్ని వదలాలీ కలసిమెలిసి ఉండాలి
పుట్టింటికి మెట్టినింటికీ వన్నెవాసి తేవాలి
ఓ.ఓ.ఓ.

ఏమమ్మా జగడాల శోభమ్మో
ఎగిరెగిరి పడతావు ఏందమ్మో
తల్లిని మరిపించే తల్లీ పినతల్లని అంటారే
పిల్లలు ఏ తప్పు చేసినా సరిదిద్దాలంటారే
తల్లిని మరిపించే తల్లీ పినతల్లని అంటారే
పిల్లలు ఏ తప్పు చేసినా సరిదిద్దాలంటారే
నీవే ఇట్లుంటేనూలోకులు ఇది వింటేనూ
అయ్యయ్యో ఉన్న గౌరవం గంగలోన కలిసేనూ

ఊ.ఊ.ఏమమ్మాజగడాల వదినమ్మో
ఎగిరెగిరి పడతావు ఏందమ్మో
ఏమమ్మా జగడాల శోభమ్మో
ఎగిరెగిరి పడతావు ఏందమ్మో