ఏమో ఏమో యిది నాకేమో ఏమొ అయినది
ఈ వేళలో నా గుండెలో ఏదో గుబులవుతున్నది.

ఏమో ఏమో అది నీకేమి యేమి అయినది
ఈ వేళలో నీ గుండెలో ఎందుకు గుబులవుతున్నది

కనులలో నీ కనులలో నా కలలే పొంగినవి
కురులలో ముంగురులలో నా కోరిక లూగినవి
వింతగా కవ్వింతగా ఈ వెన్నెల పూచినది
చెంతగా నువు చేరగా గిలిగింతగ తోచినది

||ఏమో ఏమో యిది//

ఎందుకో సిగ్గేందుకో నా అందాల బొమ్మకు
అందుకో చేయందుకో మరి ఆ వైపుచూడకు
నవ్వుతో ముసి నవ్వుతో హోయ్ నను దోచి వేయకు
మాటతో సయ్యాటతో నను మంత్రించి వేయకు

"ఏమో ఏమో యిది"