ఆకాశవీధిలో హాయిగా ఎగిరేవూ
దేశదేశాలన్నీ తిరిగి చూసేవూ
ఏడ తానున్నాడొ.. బావా
ఏడ తానున్నాడొ.. బావా
జాడ తెలిసిన.. పోయిరావా
అందాల ఓ మేఘమాలా...
చందాల ఓ మేఘమాలా...

గగనసీమల తేలు.. ఓ మేఘమాలా
మా ఊరు గుడిపైన మసలి వస్తున్నావా
మల్లి మాటేదైనా నాతో
మనసు చల్లగా చెప్పి పోవా
నీలాల.. ఓ మేఘమాల
రాగాల.. ఓ మేఘమాల

మమతలెరిగిన మేఘమాలా..
మమతలెరిగిన మేఘమాలా..
నా మనసు బావాకు.. చెప్పిరావా
ఎన్నాళ్ళు నా కళ్ళు దిగులుతో రేపవలు
ఎన్నాళ్ళు నా కళ్ళు.. దిగులుతో రేపవలు
ఎదురు తెన్నులు చూచెనే
బావాకై చెదరి కాయలు కాచెనే...
అందాల ఓ మేఘమాలా...
రాగాల.. ఓ మేఘమాల

మనసు తెలిసిన మేఘమాలా...
మరువలేనని చెప్పలేవా
మల్లితో మరువలేనని చెప్పలేవా
కళ్ళు తెరిచినగాని కళ్ళు మూసినగాని..
కళ్ళు తెరిచినగాని కళ్ళు మూసినగాని..
మల్లి రూపే నిలిచెనే..
నా చెంత.. మల్లి మాటే పిలిచెనే

జాలి గుండెల మేఘమాలా
బావాలేనిది బ్రతుకజాలా
జాలి గుండెల మేఘమాలా
కురియు నా కన్నీరు.. గుండెలో దాచుకుని
వాన జల్లుగ కురిసిపోవా
కన్నీరు.. ఆనవాలుగ ..బావా మ్రోల