ఎటులా బ్రతికేనో - నేను
జాలే లేని భువిలోన

ధనముల తూగే శీలవిహునులు
దీనుల రాచీ, సిరిదోచీ - తమ
బానిస చేసీ మురిసేరే,
సిరిగల వారి సేవలకన్నా
నరకమే పేదకు సుఖమేమో....

దీనులపాలిటి దిక్కనుచు
దేవుని నమ్మి కొలిచాను
పస్తుపడి నా జీవితమె
పూజలకై వెలపోశాను

కాటిని కట్టెలు కొట్టాను
మూటల నెన్నో మోశాను
గుండియలు పగిలేలాగున - పెను
బండలు బద్దలు కొట్టాను
పస్తుపడి హరి పూజలకు
బతుకే వ్యర్థము చేశాను