పల్లవి:
ఎవరిని అడగాలి
ఎవరిని అడగాలి చెప్పవే చిరుగాలి
ఎవరిని అడగాలి చెప్పవే చిరుగాలి
నా ఊపిరి కదలిక తీసుకొని
నా గుండెల సవ్వడి అందుకొని
పలుకులు నేర్చిన రా చిలుకా
నా పిలుపును వినలేదు ఎందుకని

ఎవరిని అడగాలి చెప్పవే చిరుగాలి

చరణం: 1
పచ్చని ఆశల రా చిలక
వెచ్చని వలపుల గోరింక
ముచ్చటగా జత కలిశాక
ఆ కనువిందుని చూశాక

కన్నుకుట్టిన కాలం కక్ష కట్టింది
వలలు వేచి చిలకను వడిసి పట్టింది
వేటగాడి తో వెడలిన చిలక వెనకకు రాదింకా
దాటలేని ఎడబాటు ఎడారిన మిగెలెను గోరింక
జంట విడిన ఈ వంటరి బ్రతుకుకు అర్థం లేదింకా
ఆ వడిలో కను మూయాలని
కడసారి కబురు అందించాలని

ఎవరిని అడగాలి
ఏమని చెప్పాలి
ఏమని చెప్పాలి అడగవే చిరుగాలి
నా మాటకు తానే అర్థమని
నా మనసుకు తానే అర్థమని
తెలిసే అడిగెను గోరింక
నా బదులను తనమనసే తెలుపుననీ

ఏమని చెప్పాలి అడగవే చిరుగాలి

చరణం: 2
తప్పని బంధం చుట్టుకొని
నిప్పుల శరమై గుచ్చుకొని
ఉచ్చుల ఉరిలో చిక్కుకొని
విల విల లాడెను చిలక అని

వేదన సెగలో వేదవతిగ
ఈ బ్రతుకు రగులుతున్న
అగ్ని పరీక్షల జనకిగా
జ్వాలలో దిగుతున్నా
రాముని కొరకై తిరిగి పుట్టగా ఎన్ని జన్మలైనా
ఒకటే కడసారి కోరిక
గోరింక నమ్మితే చాలిక

ఇంకేమని చెప్పాలి