ఝణణ ఝణ నాదంలో ఝళిపించిన పాదంలో 
జగము జలదరిస్తుంది పెదవి పలకరిస్తుంది 
గజ్జ ఘల్లుమంటుంటే గుండె ఝల్లుమంటుంది(2) 
గుండె ఝల్లుటుంటే కవిత వెల్లువవుతుంది(2) 

చరణం: 1 
అమరావతి శిల్పంలో అందమైన కలలున్నాయి 
అవి నీలో మిలమిల మెరిసే అర కన్నుల కలలైనాయి(2) 
నాగార్జున కొండ కొనలో నాట్యరాణి కృష్ణవేణి(2) 
నీ విరుపుల మెరుపులలో నీ పదాల పారాణి 

చరణం: 2 
తుంగబధ్ర తరంగాలలో సంగీతం నీలో ఉంది 
అంగరంగ వైభవంగా పొంగి పదం పాడిస్తుంది(2) 
అచ్చ తెలుగు నుడికారంలా మచ్చ లేని మమకారంలా(2) 
వచ్చినది కవితా గానం నీవిచ్చిన ఆరవ ప్రాణం