హాయి హాయి హాయి వెన్నెలమ్మ హాయి హాయి హాయి హాయి
తియ్యతియ్యనైన పాట పాడనీయి బాధ పోనీ రానీ హాయి
చురుకుమనే మంటకు మందును పూయమని
చిటికెలలో కలతను మాయం చేయమని
చలువ కురిపించని ఇలా ఇలా ఈ నా పాటని

కనులు తుడిచేలా ఊరడించి ఊసులాడే భాషే రాదులే
కుదురు కలిగేలా సేవజేసి సేదదీర్చే ఆశే నాదిలే
వెంటనే నీ మది పొందనీ నెమ్మది
అనితలచే ఎదసడిని పదమై పలికే మంత్రం వేయని

మొరటుతనమున్నా పువ్వులాంటి నిన్నుకాచే ముల్లై నిలవనా
మన్నులో వున్నా చిగురువేసే నీకు నేనే వేరై ఒదగనా
నువ్విలా కిలకిలా నవ్వితే దివ్వెలా
కడవరకు ఆవెలుగు నిలిపే చమురై నేనే ఉండనా