ఇంతేనయా
తెలుసు కోవయా
ఈ లోకం ఇంతేనయా !
నీతీ లేదు, నిజాయితి లేదు
ధనమే జగమయ్యా !

చరణం: 1
డాబులుకొట్టి మోసంచేసి
జేబులు నింపేరు
పాపం, పుణ్యం పరమార్థాలు
పంచకు రానీరు
ఎవరికివారే యమునా తీరే
ఇదే ప్రపంచమయా !

చరణం: 2
పైసాతోటి సీసా చేరి
జల్సా చేసింది
మనసేలేని సొగసేవుంది
మైమరపించింది
పైన పటారం లోన లొటారం
ఇదే ప్రపంచమయా

చరణం: 3
మంచిని చేస్తే మనిషిని నేడు
వంచన చేసేరు
గొంతులు కోసేవాడికి నేడు
గొడుగులు పట్టేరు
దొంగలు దొరలె ఊళ్లే దోచిరి
ఇదే ప్రపంచమయా