జలకాలు ఆడేటి జాబిల్లి మొలకా
నీ సోకే నీ కేందుకలకా
చూపు చూపూ చుట్టాలయితే నన్నే కట్టుకోక
ఎదలో వున్నా ఎదరే వున్నా ఎలా కట్టుకోక

సరసాలు ఆడేటి నా సామిరంగ
నీ చూపుకే పలికె నాగూటి చిలక
చూపుకు చుక్కలు రగిలేవేళ నన్నే కట్టుకోక
చీకటి వెలుగుల చీరలు కడితే ఎలా కట్టుకోక

పదహారు పోని పదిహేడు రాని
పరువాల నీ పట్టుకోక
మంచుల్లో తడిసె మల్లెల్లో విరిసే
అందాలు సరిగంచు రైక

జాజీకుల్లి మాటలన్నీ జాను తెనుగు పాటలల్లీ
పాడుతుంటె పాలపిట్ట గూడు కట్టింది.
పాటలాంటి పడుచువాణి తోడురమ్మంది.

అల్లీ బిల్లీ అందాలన్నీ నన్నే అల్లుకోక
మల్లీ వస్తానంటూ మాత్రం అపుడే వెళ్లిపోక
నీ జంట లేని నిదురంటు రాని
రేయంత కలలైన రాక
నీ చూపు సాకి సుడిగాలి తాకి
పగలంత రేయైన కాక

ఈడు ఈడు తోడు పెట్టి గడ్డ పెరుగు మీగడంటే
కొంగుచాటు రంగులన్నీ పొంగుతున్నాయి.
దాచుకున్నా దోచుకుంటా చూడు అమ్మాయి

హద్దు పద్దూ అన్నీ దాటి నన్నే హత్తుకోక
అంతో యింతో ఇమ్మని మాత్రం అంతా పుచ్చుకోక