కాసింత భోళాతనం
కూసింత జాలి గుణం
కాసింత గండ్రతనం
కూసింత మొండి గుణం

కాసింత భోళాతనం
కూసింత జాలి గుణం
కాసింత గండ్రతనం
కూసింత మొండి గుణం

అచ్చమైన పల్లెటూరి ఇత్తనం
ఎక్కడైనా ఆమెదేగా పెత్తనం
ఈ అమ్మోరు తల్లి తూఫాను ముందర
తూనీగలే మనమందరం

హెయ్, జయమ్మ జయమ్మ
జయమ్మ జయమ్మ జయమ్మ
చూసే జనం కళ్ళకు సూర్యకాంతమ్మ
అసలైన సంగతి నిజంగానే వేరమ్మా
మచ్చలేని ఆ మనసే ఆకాశమంతమ్మా

పక్క ఇంటి లక్ష్మి
పంచదార అప్పు తీర్చలేదు
పోస్టుమ్యాను భద్రం
వారం రోజుల్నుంచి రాడం లేదు

సికెను షాపు సీను
ఎనకట్లాగా తూకం తుయ్యట్లేదు
అట్టా ఎల్లే ఎంకాయమ్మ
నన్ను సూసి పలకరించలేదు

పొద్దున గొన్న బీరకాయల్
నాలుగింట్లో మూడు చేదు
ఎందోగాని నా గాచారం
ఒక్క సంగతి సరిగ్గాలేదు
ఫో ఫో ఫో

సివంగి లెక్కన లేస్తది గానీ
సిన్న పిల్ల మనసు
ఇట్టాగ ఎందుకు పుట్టించాడో
ఆ దేవుడికే తెలుసు

పట్టాసు తీరున పేలుద్ది బాబోయ్
నోటి మాటే పెళుసు
జయమ్మ గొంతు లెగిసిందో చాలు
భూజగమే సైలెన్సు

బుస్సున ఆకాశమంటే కోపం, తకధిమి
సప్పున సల్లారిపోతది పాపం, తకధిమి
బుస్సున ఆకాశమంటే కోపం, తకధిమి
సప్పున సల్లారిపోతది పాపం, తకధిమి తక తక
తప్పుకోక తప్పదు ఆ అరనిమిషం భూకంపం

హెయ్, జయమ్మ జయమ్మ
జయమ్మ జయమ్మ జయమ్మ
చూసే జనం కళ్ళకు సూర్యకాంతమ్మ
అసలైన సంగతి నిజంగానే వేరమ్మా
మచ్చలేని ఆ మనసే ఆకాశమంతమ్మా

అమ్మాడియమ్మో జయమ్మా
అమ్మాడియమ్మో జయమ్మా
జయమ్మో జయమ్మో జయమ్మ
జయమ్మో జయమ్మో జయమ్మ

ఎదురింట్లోని చంటిపాప ఏడుపింకా ఆపట్లేదు
ఖతారెళ్లిన కాంతం కొడుకు
ఏమయ్యాడో పత్తా లేడు
రచ్చబండ హనుమంతుడికి
ఎండా వానా నీడే లేదు

అబ్బులు గారి చూలు గేదే
అన్నం నీళ్లు ముడతలేదు
సుబ్బాయమ్మ మొగుడికి దానికి
నిమిషం కూడా పడుతలేదు
అబ్బబ్బా ఈ కష్టాలకి
అంతు పొంతూ లేనే లేదు
ఫో ఫో ఫో

అమ్మాడియమ్మో జయమ్మా
అమ్మాడియమ్మో జయమ్మా
జయమ్మో జయమ్మో జయమ్మ
జయమ్మో జయమ్మో జయమ్మ

పొరుగోళ్ళకి సాయం చెయ్యడమంటే
ఇష్టమండి తనకు
తిరిగి సాయం చెయ్యకపోతే
ఇరకాటమే మనకు

నిద్దరోతే ఒట్టు పక్క వాళ్ళ
కళ్ళ నీళ్లు తుడిచే వరకు
అట్టాగే మనని తోడుండమంటది
తనకొచ్చే ఆపదకు

లేదే మోమాటం ఇంటావంటా, తకధిమి
తనదేననుకుంటది ఊరూరంతా, తకధిమి
లేదే మోమాటం ఇంటావంటా, తకధిమి
తనదేననుకుంటది ఊరూరంతా, తకధిమి
ఎవరేమేమనుకున్నా మరో మాటే లే దం ట

హెయ్, జయమ్మ జయమ్మ
జయమ్మ జయమ్మ జయమ్మ
చూసే జనం కళ్ళకు సూర్యకాంతమ్మ
అసలైన సంగతి నిజంగానే వేరమ్మా
మచ్చలేని ఆ మనసే ఆకాశమంతమ్మా