జో కొడుతూ కథ చెబితే
ఊ కొడుతూ వింటావా !
నా కన్న పాపా-నే కన్న పాపా .... జో .... జో ....

ఒక కొండ - ఒక కనుమ - ఆ రెంటికి నడుమ -
అనగనగా ఒక తోట, పచ్చన్నీ తోట!
ఆకాశమంతేసి గూడుండే చోట,
ఆ తోట ఒక చిలుక -ఆడేది పాడేది
అది రామ చిలుక - జో-జో-జో

ఒకనాడు వచ్చాడు ఒయ్యారి దొరకొడుకు
ఆ తోట కడకు !
వలచింది రాచిలుక, ఆ రాజు కొడుకు!
వాలింది వగకాని వలకేలి పైని !
బంగారు పంజరపు బ్రతుకై పోయింది ॥ జో-జో ॥

కోనైతే పిలిచేనూ - కొండా పిలిచేనూ
ఆకాశమంతేసి ఆ గూడు పిలిచేనూ
ఎగరని రెక్కలతో -పగిలిన గుండెలతో
పంజరపు బ్రతుకాయె ఓ రామచిలుకా !
బంగారు పంజరపు బ్రతుకాయె ఓ రామచిలుకా!