కల అయినా, నిజమైనా
కాదన్నా, లేదన్నా
చెబుతున్నా ప్రియతమా
నువ్వంటే నాకు ప్రేమ

నిన్ను పూజించనా, నిన్ను సేవించనా
సర్వమర్పించనా, నిన్ను మెప్పించనా
నీ గుడిలో దీపముగా నా బ్రతుకే వెలిగించి,
కొడిగట్టి నేనారిపోనా
నువ్వంటే నాకు ప్రేమ

నిన్ను లాలించనా, నిన్ను పాలించనా,
జగతి మరిపించనా, స్వర్గమనిపించనా
నా యెదలో దేవతగా నీ రూపే నిలుపుకొని,
నీ ప్రేమ పూజారి కానా
నువ్వంటే నాకు ప్రేమ

కలిసి జీవించినా, కలలు పండించినా,
వలచి విలపించినా, కడకు మరణించినా
నీ జతలో జరగాలి, నీ కధలో నాయికగా
మిగలాలి మరుజన్మకైనా
నువ్వంటే నాకు ప్రేమ