కలికాలం!!
కలికాలం కలికాలం
ఇది ఆకలి కాలంరా భాయీ !
ఆకలి కాలంరా !
లోకం మాయా జాలంరా,
ఇది పేదల గుండెల గాలంరా !

కలికాలంరా కలికాలం

ఎవరిని చూసిన ఏదో దిగులు
రాత్రింబగళ్లు రగులూ,
ఏడ్వలేక నవుతుంటారోయ్,
నవ్వు రాక ఏడుస్తారోయ్ !

కలికాలంరా కలికాలం

ఉన్నవారి నెదిరించేవారికి
అసలుకు మోసం వచ్చునురా,
అవునవునని తల ఆడించడమే .
తారక మంత్రముగా, భాయీ !
తారక మంత్రమురా !

కలికాలంరా కలికాలం !

పదవుల వేటలో ప్రాకులాటలో
నాయకులకు పోటీలురా,
వినాయకులకు పోటీలురా!
మాటలు, మూటలు మోసే వారికి
మంచి మంచి వాటాలురా !
కోరినన్ని కోటాలురా
ఏం కాలం ?
కలికాలం !
కాదు, కాదు,
ఆకలి కాలం!
కలికాలంరా
కలికాలం
ఇది ఆకలి కాలంరా భాయీ
ఆకలి కాలంరా !