కనులు మాటలాడునని.. ఈ...
మనసు పాట పాడునని.. ఈ...
కనులు మాటలాడునని..
మనసు పాట పాడునని
కవితలల్లితి ఇన్నాళ్ళు..
అది కనుగొన్నాను ఈనాడు
కనులు మాటలాడునని..
మనసు పాట పాడునని
కవితలల్లగ విన్నాను..
అది కనుగొన్నాను ఈనాడు

మెత్తగ సాగే మేనితీగ
మెలికలు తిరిగితె.. ఒక అందం
ఆ...
ఆ...
. ఆ...
ఆ...
ఆ...
ఆ...
మెత్తగ సాగే మేనితీగ
మెలికలు తిరిగితె.. ఒక అందం
ఆ మేనితీగ వలపుల పందిట
అల్లుకుంటే.. ఒక అందం
మలయానిలమున చెలి ముంగురుల
మబ్బులూగితే.. ఒక అందం
ఆ ముంగురులే చెలికాణి మోముపై
ముసురుకుంటే.. ఒక అందం
అదే...
ముద్దులొలికే అనుబంధం...
కనులు మాటలాడునని..
మనసు పాట పాడునని
కవితలల్లితి ఇన్నాళ్ళు..
అది కనుగొన్నాను ఈనాడు

వేచిన కలువ వెన్నెల జల్లుల
విరిసిపోతే.. మధురానందం
ఆ కలువ చెలువ నెలరాయునిలో
కరిగిపోతే.. మహదానందం
జగములనేలే చంద్రవదనతో
ఎగిసిపోతే.. దివ్యానందం
ఎగిసి ఎగిసి పులకించిన మనసులు
ఏకమైతే.. రసానందం...
అదే...
యుగయుగాల అనుబంధం...