కొమ్మ కొమ్మా విన్నావమ్మ కోయిల వస్తుంది
వస్తూ వస్తూ తనతో వెన్నెల వెలుగులు తెస్తుంది
ఏవమ్మా మరుమల్లీ తోరణాలు కడతావా
చిలకమ్మ ఎదురేగి స్వాగతాలు చెపుతావా
పూల పొదరిల్లే రా రమ్మన్నది

విన్నానమ్మా తియ్యని వేణువు
రమ్మని పిలుపులనీ
చూశానమ్మా స్వాగతమంటు
తెరిచిన తలుపులనీ

పగలూ రాత్రి అంటూ తేడా లేనే లేని
పసి పాప నవ్వులని చూడనీ
తోడు నీడ నువ్వై నాతో నడిచే నీకు
ఏనాటి ఋణముందో అడగనీ
చేదు చేదు కలలన్ని కరిగితేనే వరదవనీ
కానుకైన స్నేహాన్ని గుండె లోన దాచుకొనీ
ప్రతి జన్మకి ఈ నేస్తమే కావాలనీ
కోరుకుంటానమ్మా దేవుళ్ళని

కొమ్మ కొమ్మా విన్నావమ్మ
కోయిల వస్తుంది
విన్నానమ్మా తియ్యని వేణువు
రమ్మని పిలుపులని

ఇదిగో నిన్నే అంటూ ప్రేమే ఎదురై వస్తే
ఏ పూలు తేవాలి పూజకీ
నీతో జతగా ఉండే వరమే నువ్వే ఇస్తే
ఇంకేమి కావాలి జన్మకీ

మచ్చలేని చంద్రుడినీ మాట రాక చూస్తున్నా
వరస కాని బంధువుని చొరవచేసి అంటున్నా
ఇకెప్పుడు ఒంటరిననీ అనరాదనీ
నీకు సొంతం అంటే నేనేననీ

కొమ్మ కొమ్మా విన్నావమ్మ కోయిల వస్తుంది
వస్తూ వస్తూ తనతో వెన్నెల వెలుగులు తెస్తుంది
ఏవమ్మా మరుమల్లీ తోరణాలు కడతావా
చిలకమ్మ ఎదురేల్లి స్వాగతాలు చెపుతావా
పూల పొదరిల్లే రా రమ్మన్నది

విన్నానమ్మా తియ్యని వేణువు
రమ్మని పిలుపులనీ
చూశానమ్మా స్వాగతమంటు
తెరిచిన తలుపులనీ