కొమ్మ వీడి గువ్వే వెళుతోందిలె 
పువ్వు కంట నీరే కురిసే
అమ్మ ఒడి వీడే పసిపాపలా 
వెక్కి వెక్కి మనసే తడిసే

చదివే బడికే వేసవి సెలవులా 
తిరిగి గుడికే రావాలి నువ్విలా
ఒక్కపూట నిజమై మన కలలు ఇలా...
ముందరున్న కాలం గడిచేది ఎలా 
బ్రతుకే గతమై ఈ చోటా ఆగేలా

కన్ను వీడి చూపే వెళుతోందిలే 
కంట నీరు తుడిచేదెవరే

చిరునవ్వులే ఇక నన్నే విడిచేనులే 
నిను విడువని ఏ నన్నో వెతికేనులే
చిగురాశలే ఇక శ్వాసే నిలిపేనులే 
మన ఊసులే జతలేక ఎడబాసెలే

నా నుంచి నిన్నే విడదీసేటి విధినైనా
వేధించి ఓడించే ఇంకో జన్మే వరమే వరమే

మనం మనం చెరో సగం చెరో దిశల్లే మారినా
ఒకే స్వరం ఏకాక్షరం చెరో పదంలో చేరినా
నువున్న వైపు తప్ప 
చూపు తప్పు దిశను చూపునా

అడుగులన్ని మనము కలిసి ఉన్న దారి విడిచెనా
మరీ మరీ నిన్నడగమంది జ్ఞాపకాల ఉప్పెన
చిరాయువేదో ఊపిరై నీకోసమెదురు చూపు
కవితలే రాసే నీకై మల్లీ రా