ఆ..ఆ..ఆ..అ అ ఆ..ఆ
హహహ..హహహ
హహహ..హహహ

జీవించు ప్రేమ
జీవించు ప్రేమ జంటైనూరేళ్లు
దీవించునమ్మా దిగివచ్చి దేవుళ్ళు
వర్ధిల్లు ప్రేమ వెలుగై వెయ్యేళ్ళు
శిరసొంచునమ్మా ఎదిరించే కాలాలు
సుడిగాలినాపె చెరసాల ఉందా?
కెరటాలనాపె శాసనముంటుందా?

జీవించు ప్రేమ జంటై నూరేళ్లు
దీవించునమ్మా దిగివచ్చి దేవుళ్ళు

హహహ..హహహ
హహహ.. హహహ

ఓపజాలై ప్రేమ కాలే హృదయ వేదం ఎన్నాళ్ళు?
చితులపాలై చెలిమి కోరే చిత్రవధ ఇంకెన్నాళ్లు?

చరితకు అంతటి సంబరమా? కలవని కథలంటే...
ఆశలు విరిసే నందనమా? అనార్కలీ సమాధి అంటే..
మరణిస్తేగాని మరలేదా ప్రేమ
చిగురాలయాల ప్రేమకు చిరునామా..
కథకానేగాని నిజమవ్వదా ఆ ప్రేమ..

కన్నీటిలో కథలు కరగాలా?
కార్చిచ్చులో వలపు రగలాలా?

జీవించు ప్రేమ.. ఆ... ఆ.. అఅ

జీవించు ప్రేమ
జీవించు ప్రేమ జంటైనూరేళ్లు
దీవించునమ్మా దిగివచ్చి దేవుళ్ళు

ఉప్పెనల్లె ముంచుకొచ్చే ముప్పుకే నువ్వు ఎదురీదు
ఏకగాను కదపలేని శిఖరమల్లే ఎదురించు...
కత్తుల వంతెన కట్టిన ఈ కక్ష్యను ఓడించు...
నెత్తుటి కాంతుల బాటలలో ప్రణయాన్ని గెలిపించు
కుత్తుకనే తెంచి కీర్తించే కాలం
నీ శక్తి ముందు నిలిచేనా నేస్తం
ప్రళయాన్ని గెలిచే ప్రణయం నీ శస్త్రం
కెరటాల పెనుగోష నీ గానం
గగనాన్ని చీల్చాలి ఆ నాదం

జీవించు ప్రేమ.. ఆ.. ఆ.. అఅ
కెరటాల పెనుగోష నీ గానం
గగనాన్ని చీల్చాలి ఆ నాదం
ఆ.. ఆ.. ఆ.. అఅ