అల్లి బిల్లి కుందేలు పెళ్లి కొడుకు
జాబిలి కుందేలు పెళ్లి కూతురు
అందాల కుందేళ్ల కల్యాణము
అడివంత కల్యాణ వైభోగము
హంసక్కా ఎంచక్క పేరంటమాడగా
నెమలక్క పురివిప్పి తైతక్కలాడగా
గోరవంక ఒకవంక మంత్రాలు చదవగా -
చిలకమ్మ చిగురాకు సన్నాయి పాడగా
చిట్టి ఊపిరి బుడగలు చిన్ని వెన్నెల బుడుగులు
అభముశుభము ఎరుగని బడుగు ప్రాణులు పాపము

ఏమి నేరము చేసినాయని ఇంత ఘోరము జరిగెనో
ఎవరిశాపము తగిలేనో,

కుందేలు:
అగండి
చంద్రుడి అంశనుపుట్టినవాళ్లం
వెన్నెల మడుగున పెరిగిన వాళ్లం
వెనక్కి తిరిగి వెళ్లకపోతే చంద్రుడు వస్తాడు
మా చంద్రుడువస్తాడు. మీ భరతం పడతాడు

ఏనుగు:
చంద్రుడు లేడు - గింద్రుడు లేడు
కోతలు కొయ్యొద్దు నీ గొప్పలు చెప్పొద్దు
ఉంటే రమ్మను వెంటనే రమ్మను
చంద్రుణ్ణి పొద్దు

కుందేలు:
ఓ చందమామా మా మేనమామా
ఇలవంక దిగిరారా నెలవంకమామా
నీలో వున్నది మేమే అన్నది నిజమే అయితే దిగిరా
వెన్నెల వెలుగులు కురిపించు
చీకటి కళ్లను తెరిపించు
నీవున్నావని నిరూపించు