పల్లవి:
కుశలమా.. నీకు కుశలమేనా?
మనసు నిలుపుకోలేక మరీ మరీ అడిగాను అంతే..అంతే .. అంతే..
కుశలమా.. నీకు కుశలమేనా? -
ఇన్నినాళ్ళు వదలలేక ఏదో ఏదో వ్రాశాను.. అంతే ..అంతే .. అంతే..

చరణం: 1
చిన్న తల్లి ఏమంది? ... నాన్న ముద్దు కావాలంది
పాలుగారు చెక్కిలి పైన... పాపాయికి ఒకటి
తేనెలూరు పెదవులపైన.. దేవిగారికొకటి
ఒకటేనా.. ఒకటేనా.. ఎన్నైనా.. ఎన్నెన్నో..
మనసు నిలుపుకోలేక.. మరీ మరీ అడిగాను.. అంతే ..అంతే.. అంతే..
కుశలమా... హాయ్

చరణం: 2
పెరటిలోని పూలపానుపు... త్వర త్వరగా రమ్మంది.
పొగడ నీడ పొదరిల్లో.. దిగులు దిగులుగా ఉంది.
ఎన్ని కబురులంపేనో.. ఎన్ని కమ్మలంపేనో
పూలగాలి రెక్కలపైనా.. నీలిమబ్బు పాయలపైనా
అందేనా.. ఆ.. ఒకటైనా..ఆ.. ఆ ఆ
అందెనులే... తొందర తెలిసెనులే
ఇన్నినాళ్ళు వదలలేక - ఏదో ఏదో రాశాను
అంతే .. అంతే.. అంతే..