పల్లవి:
మామారే మజారే మామారే మజారే
మామారే మజారే మజ్జా
మామారే మజారే మామారే మజారే
మామారే మజారే మజ్జా
అరె ఊరంతా వినేలా పాడు
అహా కొండంతా ఖుషీగా ఆడు
మన శ్రీరాముడు మరో జన్మెత్తాడు
మళ్ళీ వచ్చాడు ఈనాడు

చరణం: 1
మనసుల జత వయసుల జత కలిసేవేళ
మనగడ కథ మధురం కద చాలాచాలా
అందాల నీ ప్రేమ రాజ్యానికి అధికారి నేనే సుమా
సందేళ సరిలేని సరసానికి దొరసాని నువ్వే సుమా
ఇలా రెండింతలై అలా మూడింతలై
భలేగుంది పెరిగింది కేరింత ఇంత అంతకంత

చరణం: 2
కాదననిక లేదననిక ఏదేమైనా
రేపననిక మాపననిక ఏకంకానా
వయ్యారి నీమేని ఉయ్యాలలో
వెయ్యేళ్ళు వూగేయనా
వెన్నంటి నువ్వుంటే నా బాటలో
స్వర్గాలు పాలించనా
ఇది తారంగమో మరీ వీరంగమో
ఈ వంక చూడంగ వేగంగా నింగివంగిపోయె