మల్లె మొగ్గ పూచిందంట ఎక్కడో
పిల్లి మొగ్గ వేసిందంట యిక్కడే
ఆ మొగ్గ ఈ మొగ్గ - బుగ్గ బుగ్గ కలిసి
సిగ్గులల్లాయి - ముగ్గులేసాయి
సిగ్గులు వచ్చి బుగ్గలు ఎక్కితే
ఎరుపే సిగ్గు పడుతుంది

మొగ్గలు వచ్చి సిగలో నక్కితే - నింగే వంగి చూస్తుంది
ఆ సిగ్గులు ఎక్కడ ?
నువు చూసిన చూపులవి
ఆ చూపులు ఎక్కడివి?
నువు విసిరిన వలపులవి
ఆ వలపులు ఎక్కడివి?
నువు పిలిచిన పిలుపులవి

మబ్బులు వచ్చి మనసును తాకితే వయసే చల్ల బడుతుంది
పువ్వులు వచ్చి నవ్వులు జల్లితే నవ్వే నవ్వి పోతుంది

ఆ మబ్బులు ఎక్కడివి?
మన చూపుల ఆవిరివి
ఆ చూపులు ఎక్కడివి?
మన ప్రేమకు పూచినని
ఆ నవ్వులు ఎక్కడివి
మన పెళ్లికి వచ్చినవి