మల్లెతీగ వాడిపోగా మరల పూలు పూయునా
తీగ తెగిన హృదయవీణ తిరిగి పాట పాడునా
మనసులోని మమతలన్ని మాసిపోయి
కుములు వేళ మిగిలింది ఆవేదన
మల్లెతీగ వాడిపోగా మరల పూలు పూయునా

నిప్పు రగిలి రేగు జ్వాల నీళ్ళ వలన ఆరును
నిప్పు రగిలి రేగు జ్వాల నీళ్ళ వలన ఆరును
నీళ్ళలోనే జ్వాల రేగ మంటలెటుల ఆరును
నీళ్ళలోనే జ్వాల రేగ మంటలెటుల ఆరును
మల్లెతీగ వాడిపోగా మరల పూలు పూయునా
మనసులోని మమతలన్ని మాసిపోయి
కుములు వేళ మిగిలింది ఆవేదన
తీగ తెగిన హృదయవీణ తిరిగి పాట పాడునా

కడలిలోన మునుగు వేళ పడవమనకు తోడురా
కడలిలోన మునుగు వేళ పడవమనకు తోడురా
పడవ సుడిని మునుగు వేళ ఎవరు మనకు తోడురా
పడవ సుడిని మునుగు వేళ ఎవరు మనకు తోడురా
ఆటగాణి కోరికేమో తెలియలేని జీవులం
జీవితాల ఆటలోన మనమంతా పావులం