మనది భారతదేశమమ్మా
మనది భారత జాతితల్లి
భోగాల పుట్టిల్లు తల్లి...
భూలోక స్వర్గమే సమ్మా
వీరరుద్రమదేవి ధీరదుర్గారాణి
రాణాప్రతాపుడూ రసపుత్ర వీరులూ
తమ శౌర్యమయరక్త ధారాస్రవంతిలో
తడిపి మెదిపిన వీరధాత్రి ఇదే మా తల్లీ
ఝాన్సీ మహారాణి అదిగో
ఆమెయే ఝానిసీ లక్ష్మీ
ఒక చేతిలో బల్లెమమ్మా
ఒక చేతిలో కళ్లెమమ్మా
నడుమునకు ఖడ్గమోయమ్మా
ఒడలెల్ల రక్తమే తల్లి
మూపుపై పసిబిడ్డతల్లి
అదిగో ! అదిగో ! అదిగో ! అదిగో ! అదిగో !!
ఆమెయే ఝానిస రాణి
ఆమెయే ఝాన్సి లక్ష్మీ
మనకామె తోబుట్టువమ్మా
మనమామె చెల్లెండ్రమమ్మా
స్త్రీ వంట ఇంటికై సృష్టించబడినదో!
స్త్రీ విలాసమునకె చిత్రించబడినదో !!
స్త్రీ దాస్యవృత్తికై చేతనంబైనదో !!!
చెప్పవే మాయమ్మ చెప్పవే మాతల్లీ !